மீகொட, படகொட பிரதேசத்தில் மோட்டார் சைக்கிளில் வந்த இனந்தெரியாத ஆயுததாரிகளால், துப்பக்கிச்சூடு மேற்கொள்ளப்பட்டுள்ளது.
இன்று காலை இடம்பெற்ற குறித்த துப்பாக்கிச் சூட்டு சம்பவத்தில் 62 வயதுடைய நபர் ஒருவர் காயமடைந்துள்ளதாகப் பொலிஸார் தெரிவித்துள்ளனர்.
சம்பவத்தைத் தொடர்ந்து, துப்பாக்கிச் சூட்டில் காயமடைந்த நபர் ஹோமாகம வைத்தியசாலையில் அனுமதிக்கப்பட்டுள்ளார்.
முதற்கட்ட விசாரணைகளின்படி, காயமடைந்தவர், தனது இல்லத்திலிருந்து காரில் சென்றபோது, துப்பாக்கிச் சூட்டுக்கு இலக்காகியுள்ளதாகத் தெரிவிக்கப்படுகின்றது.
துப்பாக்கிச் சூட்டுச் சம்பவத்தை அடுத்து, ஆயுததாரிகள் தலைமறைவாகியுள்ளதாகவும், அவர்களை கைது செய்வதற்கான நடவடிக்கைகள் முன்னெடுக்கப்பட்டு வருவதாகவும் பொலிஸார் தெரிவித்துள்ளனர்.
துப்பாக்கிச் சூட்டுக்கான காரணம் இதுவரை கண்டறியப்படாத நிலையில், சம்பவம் தொடர்பான மேலதிக விசாரணைகளை மீகொட பொலிஸார் மேற்கொண்டு வருகின்றனர்.
