ஐசிசியின் டெஸ்ட் துடுப்பாட்ட வீரர்களுக்கான தரவரிசையில் இங்கிலாந்து அணியின் ஜோ ரூட் முதலிடத்திற்கு முன்னேறியுள்ளார்.
இங்கிலாந்தின் எட்ஜ்பாஸ்டனில் நடைபெற்று முடிந்த ஆஷஸ் முதலாவது டெஸ்டில் அவுஸ்திரேலியாவுக்கு எதிராக ஜோ ரூட்டின் 30 ஆவது டெஸ்ட் சதம், இரண்டாவது இன்னிங்ஸில் 46 ஓட்டங்கள் என்பன அவரை முதலிடத்திற்கு முன்னேற்றியுள்ளார்.
அதே போட்டியில் 0 மற்றும் 13 ஓட்டங்கள் எடுத்ததன் விளைவாக லாபுஷாக்னே மூன்றாவது இடத்திற்கு தள்ளப்பட்டுள்ளார்.
அவுஸ்திரேலிய அணி வீரர் மார்னஸ் லாபுஷாக்னே கடந்த ஆறு மாதங்களுக்கும் மேலாக முதலிடத்தில் இருந்து வந்தார். இந்நிலையில், ஜோ ரூட் தற்போது முதலிடத்தை பிடித்துள்ளார்.
இந்த தரவரிசையில் இலங்கை அணி வீரர் திமுத் கருணாரத்ன ஒன்பதாவது இடத்தில் உள்ளமையும் குறிப்பிடத்தக்கது.
