இந்த ஆண்டில் தேர்தல்கள் எதுவும் இல்லை எனவும் 2024 இல் முதல் தேர்தல், ஜனாதிபதித் தேர்தலாக இருக்கும் என்றும் ஜனாதிபதி தொழிற்சங்க பணிப்பாளர் நாயகம் சமன் ரத்னப்பிரிய தெரிவித்துள்ளார்.
பதுளை பிரதேசத்தில் இடம்பெற்ற மக்கள் சந்திப்பில் கலந்து கொண்டு கருத்துரைக்கும் போதே அவர் இந்த கருத்துக்களை வெளியிட்டார்.
தொடர்ந்து கருத்துரைத்த அவர்,
” இந்த ஆண்டு தேர்தல்கள் இல்லை. 2024 தேர்தல் ஆண்டு தேர்தல்கள் ஆண்டாக கருதப்படும். 2024 முதல் தேர்தல், ஜனாதிபதித் தேர்தலாக இருக்கும் என நாங்கள் உணர்கிறோம்.
அதற்கு இப்போது தயாராகி வருகிறோம். ரணில் விக்கிரமசிங்கவை 2024 ஆம் ஆண்டு மக்கள் ஆணை மூலம் ஜனாதிபதியாக்க வேண்டும் என்று நான் பரிந்துரைக்கிறேன்.
தற்போதைய அரசியல் தலைமையினால் இந்த நாட்டை உருவாக்க முடியாது என்று நாங்கள் வெளியே வந்து கூறினோம். பொதுவாக, உலகில் ஒரு நாடு வீழ்ச்சியடைந்தால், எதிர்க்கட்சித் தலைவர் அதனை பொறுப்பேற்பதே நியதி.
ஆனால் இலங்கையில் அதனை ஏற்றுக்கொள்ளும் முதுகெலும்பு உள்ள எதிர்க்கட்சித் தலைவர் இருக்கவில்லை. அவர் ஓடி ஒளிந்து கொண்டார். அதனால்தான் ஆசையும் பயமும் கலந்த ஒரு உணர்வு ஏற்பட்டது ” எனக் குறிப்பிட்டார்.
