விளையாட்டு மற்றும் இளைஞர் விவகார அமைச்சரினால் வெளியிடப்பட்ட விசேட வர்த்தமானி அறிவித்தலின் மூலம் இலங்கை கராத்தே டூ சம்மேளனத்தின் பதிவு இடைநிறுத்தப்பட்டுள்ளது.
இதன்படி, கராத்தே-டூ விளையாட்டுக்கான தேசிய சங்கமான இலங்கை கராத்தே-டூ சம்மேளனத்தின் பதிவு உடனடியாக நடைமுறைக்கு வரும் வகையில் இடைநிறுத்தப்பட்டுள்ளது.
இதேவேளை, குறித்த சங்கத்தின் செயற்பாடுகளை மேலும் பேணுவதற்காக, தற்காலிக செயற்பாடாக ஒன்பது பேர் கொண்ட குழுவொன்றை நியமிப்பதற்கான இடைக்கால ஏற்பாடுகள் மேற்கொள்ளப்பட்டு வருவதாக, உரிய வர்த்தமானியில் தெரிவிக்கப்பட்டுள்ளது.
