உலக சிறுவர் தினத்தை முன்னிட்டு, அக்டோபர் 1ஆம் திகதி அன்று, 12 வயதுக்குட்பட்ட குழந்தைகள், தெஹிவளையில் உள்ள தேசிய விலங்கியல் பூங்காவினை இலவசமாகப் பார்வையிடலாம் என தேசிய விலங்கியல் பூங்கா திணைக்களம் வெளியிட்டுள்ள அறிக்கையில் தெரிவிக்கப்பட்டுள்ளது.
அதன்படி, தெஹிவளை மிருகக்காட்சிசாலையில், காலை 8:30 மணி முதல் மாலை 5:00 மணி வரை தொடர் சிறப்பு நிகழ்ச்சிகள் நடைபெற உள்ளன.
அன்றைய நிகழ்வுகள் இயற்கை வளங்கள் மற்றும் சுற்றுச்சூழல் பாதுகாப்பு தொடர்பான குழந்தைகளின் மனப்பான்மை மற்றும் திறன்களை மேம்படுத்துவதை நோக்கமாகக் கொண்டுள்ளன.
