நிகரகுவா நாட்டைச் சேர்ந்த ஷென்னிஸ் பலாசியஸ் என்ற பெண் 2023 ஆம் ஆண்டுக்கான பிரபஞ்ச அழகிப் பட்டத்தை வென்றுள்ளார்.
எல் சால்வடோர் நாட்டின் தலைநகர் சான் சால்வடாரில் உள்ள ஜோஸ் அடோல்ஃபோ அரங்கில் நேற்று நடைபெற்ற பிரபஞ்ச அழகிப் போட்டியில் நிகரகுவா நாட்டைச் சேர்ந்த பெண் ஷென்னிஸ் பலாசியஸ் வெற்றி பெற்றார்.
ஷென்னிஸ் பலாசியஸ்க்கு 2022 ஆம் ஆண்டிற்கான பிரபஞ்ச அழகி பட்டம் வென்ற அமெரிக்காவின் கேஸ்ரீப்ரியல் முடிசூட்டினார்.
72 ஆவது பிரபஞ்ச அழகிப் போட்டி எல் சால்வடோரில் நடைபெற்றது. இதில் சுமார் 90 நாடுகளைச் சேர்ந்த போட்டியாளர்கள் கலந்து கொண்டனர்.
சான் சால்வடொரில் நடைபெற்று வந்த இப்போட்டியில் நிகரகுவா, அவுஸ்திரேலியா மற்றும் தாய்லாந்து நாட்டைச் சேர்ந்த பெண்கள் இறுதி மூன்று இடங்களுக்குள் நுழைந்தனர்.
குவாத்தமாலா நாட்டைச் சேர்ந்த மிஷேல் கான் மற்றும் கொலம்பியாவைச் சேர்ந்த மரியா கமிலா ஆகியோர் பிரபஞ்ச அழகிப் போட்டியில் பங்கேற்ற முதல் திருமணமான பெண்கள் ஆவர் என்பதும் கவனிக்கத்தக்கது. (04)
