பேலியகொடையில் அண்மையில் இடம்பெற்ற கொலைச் சம்பவம் தொடர்பில் தேடப்பட்டு வந்த நான்கு சந்தேகநபர்கள் கைது செய்யப்பட்டுள்ளதாக பொலிஸார் தெரிவித்துள்ளனர்.
அதன்படி, பேலியகொடையில் இடம்பெற்ற கொலைச் சம்பவத்துடன் தொடர்புடையதாகக் கூறப்படும் 30, 37, 43 மற்றும் 53 வயதுடைய நான்கு சந்தேகநபர்கள் நேற்றுமாலை கைது செய்யப்பட்டுள்ளனர்.
பொலிஸாரின் கூற்றுப்படி, சந்தேகநபர்கள் கைது செய்யப்படும் போது அவர்களிடம் இருந்து வாள் மற்றும் கத்தியும் காணப்பட்டன.
கடந்த நவம்பர் 28 ஆம்திகதி பேலியகொட தோரண சந்தியில் ஒருவர் வெட்டிக் கொல்லப்பட்டதாக பொலிஸார் தெரிவித்த நிலையில் கொலைச் சம்பவம் தொடர்பான மேலதிக விசாரணைகளை பேலியகொட பொலிஸார் மேற்கொண்டு வருகின்றனர்.
