திருகோணமலையின் உட்துறைமுக வீதியில் இடம்பெற்ற பேருந்து விபத்தில் சிக்கி நபர் ஒருவர் உயிரிழந்துள்ளார்.
உயிரிழந்த நபர், கடந்த முதலாம் திகதி வீதியை கடக்க முற்பட்டபோது மூதூர் டிப்போவுக்கு சொந்தமான பேருந்துடன் மோதி, படுகாயமடைந்த நிலையில் திருகோணமலை பொது வைத்தியசாலையில் சிகிச்சைக்காக அனுமதிக்கப்பட்டதை அடுத்து இன்று உயிரிழந்துள்ளார்.
சம்பவத்தில், திருகோணமலை கஸ்தூரி நகரை சேர்ந்த 43 வயதான கருப்பையா கருணாநிதி எண்பவரே இவ்வாறு உயிரிழந்துள்ளார்.
அதேவேளை, உயிரிழந்தவரின் சடலம் திருகோணமலை பொது வைத்தியசாலையின் பிரேத அறையில் வைக்கப்பட்டுள்ளதுடன் பொலிஸ் விசாரணையின் பின்னர் உறவினர்களிடம் ஒப்படைக்கப்பட உள்ளது.
விபத்து தொடர்பான மேலதிக விசாரணைகளை திருகோணமலை தலைமையக பொலிஸார் மேற்கொண்டு வருகின்றமை குறிப்பிடத்தக்கது.
