யாழ்ப்பாணம் (Jaffna) வடமராட்சி கிழக்கு கட்டைக்காடு கடற்பகுதியில் நேற்றைய தினம் 70Kg கஞ்சாவுடன் சிக்கிய இருவர் கடற்படையால் கைது செய்யப்பட்டுள்ளனர்.
யாழ்ப்பாணம் – கட்டைக்காடு கடற்பகுதியில் நேற்று காலை சந்தேகத்துக்கிடமான முறையில் பயணித்த படகொன்றை வெற்றிலைக்கேணி கடற்படையினர் சோதனை செய்ய முற்பட்டுள்ள போது படகில் இருந்தவர்கள் தப்பிச் செல்லும் வகையில் படகை செலுத்தியதையடுத்து கடற்படையினர் இடைவிடாது துரத்திச் சென்றுள்ளனர்.
இந்நிலையில், மணற்காடு கடற்பகுதியில் வைத்து 70Kg கஞ்சா போதைபொருளுடன் படகில் பயணித்த கட்டைக்காட்டை சேர்ந்த இருவரும் கைது செய்யப்பட்டுள்ளனர்.
இதனைத்தொடர்ந்து , கைது செய்யப்பட்ட இருவரும் கடற்படை முகாமிற்கு அழைத்துவரப்பட்டு நீண்ட விசாரணைகளின் பின்னர் மருதங்கேணி பொலிஸாரிடம் மேலதிக சட்ட நடவடிக்கைக்காக ஒப்படைக்கப்பட்டுள்ளமை குறிப்பிடத்தக்கது.
