யாழ்ப்பாண வர்த்தக தொழில் துறை மன்றத்தின் ஏற்பாட்டில் யாழ்ப்பாண சர்வதேச புத்தகத் திருவிழா 2024 ஆம் ஆண்டு ஆகஸ்ட் மாதம் 9ஆம் திகதி முதல் 11 ஆம் திகதி வரை மூன்று நாட்கள் யாழ்ப்பாண கலாச்சார நிலையத்தின் கண்காட்சிக்காக ஒதுக்கப்பட்டுள்ள பகுதியில் நடந்துவருகிறது.
வடக்கு மாகாண ஆளுநரின் ஆசியுடன் 2024ஆம் ஆண்டுக்கான சர்வதேச புத்தக திருவிழா யாழ்ப்பாணத்தில் நேற்று ஆரம்பமானது.
உள்நாட்டிலும் தேசிய அளவிலும் சர்வதேச அளவிலும் ஆர்வமும் பங்கு கொள்ள விருப்பமும் உள்ள புத்தக வெளியீட்டாளர்கள் மற்றும் விற்பனையாளர்களை ஒன்றிணைத்து இந்த புத்தகத் திருவிழாவை நடத்திவருகின்றனர்.
ஒவ்வொரு வருடமும் பல புத்தகக் கண்காட்சிகள் நடக்கின்றன. ஆனால் யாழ்ப்பாணத்தில் உள்ளூர் மற்றும் சர்வதேச எழுத்தாளர்களை ஊக்குவிக்கும் வகையில் யாழ்ப்பாண வர்த்தக தொழில் துறை மன்றமானது இந்த புத்தகக் கண்காட்சியை நடத்துவது இதுவே முதல் முறையாகும்.
