தனிப்பட்ட தகராறு காரணமாக மேற்கொள்ளப்பட்ட தாக்குதல் சம்பவத்தில் ஒருவர் உயிரிழந்துள்ளார்.
நேற்று (25) இரவு மருதானை பொலிஸ் பிரிவுக்குட்பட்ட தெவனம்பியதிஸ்ஸ மாவத்தை பகுதியில் இந்த தாக்குதல் சம்பவம் இடம்பெற்றுள்ளது.
இருவருக்கு இடையில் ஏற்பட்ட தகராறு காரணமாக இந்த தாக்குதல் இடம்பெற்றுள்ளதாக பொலிஸார் தெரிவித்துள்ளனர்.
குறித்த தாக்குதல் சம்பவத்திற்காக 19 வயது இளைஞன் ஒருவன் கைது செய்யப்பட்டுள்ளதுடன் சந்தேக நபர் வெலிமடை பிரதேசத்தை சேர்ந்தவர் என தெரியவந்துள்ளது.
சம்பவம் தொடர்பான மேலதிக விசாரணைகளை மருதானை பொலிஸார் மேற்கொண்டு வருகின்றனர்.
