மீகொடை பொலிஸ் பிரிவுக்கு உட்பட்ட குருந்துவத்தை வீதி மற்றும் புவக்வத்த ஆகிய பகுதிகளில் ஐஸ் போதைப்பொருளுடன் இரண்டு சந்தேக நபர்கள் பொலிஸ் குற்றத் தடுப்பு பிரிவினரால் நேற்று (20) கைது செய்யப்பட்டுள்ளனர்.
மேல்மாகாணத்தின் தெற்கு பொலிஸ் குற்றத் தடுப்பு பிரிவினருக்குக் கிடைத்த தகவலின் பேரில் மேற்கொள்ளப்பட்ட இரு சுற்றிவளைப்புக்களின் போதே மீகொடை பிரதேசத்தைச் சேர்ந்த 24 மற்றும் 28 வயதுடைய குறித்த சந்தேக நபர்கள் கைது செய்யப்பட்டுள்ளனர்.
சந்தேக நபர்களிடம் இருந்து 13 கிராம் 700 மில்லி கிராம் ஐஸ் போதைப்பொருள் மற்றும் 05 கிராம் 900 மில்லி கிராம் ஐஸ் போதைப்பொருள் கைப்பற்றப்பட்டுள்ளது.
இது தொடர்பான மேலதிக விசாரணைகளை மேல்மாகாணத்தின் தெற்கு பொலிஸ் குற்றத் தடுப்பு பிரிவினர் மேற்கொண்டு வருகின்றனர்.
