பட்டியவெல நிஹலுவ பகுதியில் அமைந்துள்ள விகாரையொன்றின் நிலப்பகுதி ஒன்றில் இருந்து துருப்பிடித்த இரண்டு கைக்குண்டுகள் கண்டுபிடிக்கப்பட்டுள்ளதாக பெலியத்த பொலிஸ் நிலையத்திற்குக் கிடைத்த தகவலுக்கு அமைய, நேற்று (27) மாலை இது தொடர்பான விசாரணைகள் ஆரம்பிக்கப்பட்டுள்ளன.
இச்சம்பவம் தொடர்பில் தெரியவருவது,
நிஹலுவ பகுதியில் உள்ள விகாரையின் நிலப்பகுதி ஒன்றில் கிணறு அமைந்துள்ள பகுதியை சுத்திகரிக்க உழவு இயந்திரம் பயன்படுத்தப்பட்ட போது வெடிப்புச் சத்தம் கேட்டதையடுத்து, அப் பகுதியில் மேற்கொள்ளப்பட்ட தேடுதலின் போது துருப்பிடித்த மற்றும் வெடிக்காத இரண்டு கைக்குண்டுகள் கண்டுபிடிக்கப்பட்டதாக விசாரணையில் தெரியவந்துள்ளது.
இந்த விடயம் தொடர்பாக பெலியத்த பொலிஸார், தங்காலை நீதவான் நீதிமன்றத்தில் பதிவு செய்ததுடன், இரண்டு கைக்குண்டுகளையும் செயலிழக்கச் செய்ய விசேட அதிரடிப் படை அதிகாரிகளை அழைத்துள்ளதாகவும் தெரிவித்தனர்.
மேலும் இது தொடர்பிலான மேலதிக விசாரணைகளை பெலியத்த பொலிஸார் மேற்கொண்டு வருகின்றமை குறிப்பிடத்தக்கது.
