ஜனாதிபதி அனுரகுமார திஸாநாயக்க இன்று யாழ்ப்பாணத்திற்கு விஜயத்தை மேற்கொண்டுள்ள நிலையில், அவரது கவனத்தை ஈர்க்கும் நோக்கில் வடமாகாண வேலையில்லா பட்டதாரிகள் தமது பிரச்சினைகளை வலியுறுத்தி போராட்டத்தில் ஈடுபட்டுள்ளனர்.
ஒருங்கிணைப்பு குழு கூட்டம் யாழ்ப்பாண மாவட்ட செயலக கேட்போர் கூடத்தில் இடம்பெற்று வருகின்ற நிலையில், வேலையற்ற பட்டதாரிகள் மாவட்ட செயலகத்திற்கு அருகில் தமக்கு வேலைவாய்ப்பு கோரி கவனயீர்ப்பு போராட்டத்தில் ஈடுபட்டுள்ளனர்.
இதற்கிடையில் ஜனாதிபதியின் யாழ் விஜயத்தின் போது, அவருக்கு எதிராகப் போராட்டங்கள் முன்னெடுப்போருக்கு எதிராக, போராட்டத்திற்கு தடை விதிக்க கோரி பொலிஸாரினால் யாழ் நீதவான் நீதிமன்றில் மனு தாக்கல் செய்யப்பட்டிருந்தது.
எனினும், போராட்டத்திற்கு தடை விதிக்க முடியாது என்றும், அமைதியாக போராட முடியும் எனவும் கூறி தடைகோரிய மனுவை நீதிமன்றம் நிராகரித்து இருந்தமை குறிப்பிடத்தக்கது.
