தமது கோரிக்கைகள் தொடர்பில் சுகாதார அதிகாரிகளுடன் நடத்தப்பட்ட சமீபத்திய சுற்றுக் கலந்துரையாடல் சாதகமான முறையில் முடிவடைந்ததாக சுகாதாரத் துறை தொழிற்சங்கங்களின் கூட்டுக் குழு தெரிவித்துள்ளது.
சுகாதார அமைச்சின் செயலாளரின் தலைமையில் சுகாதாரத் துறை தொழிற்சங்கங்களின் கோரிக்கைகளை ஆராய்வதற்காக நியமிக்கப்பட்ட குழுவுடன் தொழிற்சங்கங்கள் நேற்றைய தினம் கூடியிருந்தன.
சுகாதார தொழிற்சங்க கூட்டணியின் இணை அழைப்பாளர் சானக்க தர்மவிக்ரமவின் கருத்துப்படி, குழுவினால் தயாரிக்கப்பட்ட தொழில்நுட்ப அறிக்கை தொடர்பிலும் கலந்துரையாடலில் கவனம் செலுத்தப்பட்டது.
எவ்வாறாயினும், சுகாதார அமைச்சர் வைத்தியர் ரமேஷ் பத்திரன நேற்றைய கூட்டத்தில் கலந்து கொள்ளாத காரணத்தினால், சுகாதாரத் துறை தொழிற்சங்கங்கள் அவரை நாளைய தினம் சந்திக்கவுள்ளதாக தர்மவிக்ரம தெரிவித்தார்.
இதேவேளை கதிரியக்கவியல் மற்றும் ஆய்வக தொழில்நுட்ப வல்லுநர்கள், மருந்தாளுநர்கள் மற்றும் மருந்து கலவைகள், மருத்துவச்சிகள், பொது சுகாதார ஆய்வாளர்கள் மற்றும் பூச்சியியல் அதிகாரிகள் உட்பட பலதரப்பட்ட சுகாதாரத் துறை நிபுணர்களை பிரதிநிதித்துவப்படுத்தும் 72 தொழிற்சங்கங்கள் கடந்த சில மாதங்களாக மீண்டும் மீண்டும் வேலைநிறுத்தத்தில் ஈடுபட்டமை குறிப்பிடத்தக்கது.
