இலங்கையை தற்போது அச்சுறுத்தி வரும் கொரோனா வைரஸ் ஏப்ரல் 17 ஆம் திகதிக்கு பின்னர் மிகவும் வீரியமாக பரவலாம் என சுகாதார சேவைகள் பணிப்பாளர் நாயகம் டொக்டர் அனில் ஜாசிங்க எச்சரித்துள்ளார்.
எனவே அதுவரைக்கும் தற்போது கடைப்பிடிக்கப்படும் அனைத்து விதிமுறைகளையும் உரியவகையில் பின்பற்றுவதே சிறந்தது என அவர் தெரிவித்துள்ளார்.
ஊடகம் ஒன்றுக்கு கருத்து தெரிவிக்கும் போதே அவர் இதனை கூறியுள்ளார்.
மேலும் கொவிட் – 19 வைரஸ் தொற்றுக்குரிய அறிகுறிகள் தென்பட்டால் உடனடியாக சுகாதார பிரிவை தொடர்பு கொள்ளுமாறும் அவர் பொது மக்களை கேட்டுள்ளார்.
