கடந்த வாரம் ஹ்வாசாங்-18 என்ற கண்டம் விட்டு கண்டம் செல்லும் ஏவுகணை சோதனையை வடகொரியா மேற்கொண்டது.
இதற்கு எதிர்ப்பு தெரிவித்து வடகொரியாவை சேர்ந்த 4 தனிநபர்கள் மற்றும் 3 நிறுவனங்கள் மீது தென்கொரியா தடை விதித்தது.
தற்போது ஜப்பான் கடல் பகுதியில் அமெரிக்கா, தென்கொரியா மற்றும் ஜப்பான் ஆகியவை இணைந்து முத்தரப்பு போர்ப்பயிற்சியை மேற்கொண்டுவருகின்றன.
இதன்மூலம் 3 நாடுகளும் தங்களது பாதுகாப்பு ஒத்துழைப்பை மேம்படுத்துவதற்கும், அபாயகரமான ஏவுகணைகளுக்கு எதிரான தாக்குதல் திறனை மேம்படுத்துவதற்கும் ஒரு வாய்ப்பாக இருக்கும் என தென்கொரியா தெரிவித்துள்ளது.
இதற்கு முன்னர் கடந்த ஏப்ரல் மாதம் முத்தரப்பு ஏவுகணை பாதுகாப்பு பயிற்சி நடந்தது குறிப்பிடத்தக்கது.
