கொழும்பில் உள்ள லேடி ரிட்ஜ்வே சிறுவர்களுக்கான வைத்தியசாலையின் வெளிநோயாளர் பிரிவில் முன்னெடுக்கப்பட்டிருந்த அடையாள வேலை நிறுத்தம், வாபஸ் பெறப்பட்டுள்ளதாக அரச வைத்திய அதிகாரிகள் சங்கத்தின் பேச்சாளர் டொக்டர் சமில் விஜேசிங்க தெரிவித்துள்ளார்.
மருத்துவமனையில் பெண் சிறப்பு மருத்துவரின் நடத்தைக்கு எதிர்ப்பு தெரிவித்து, லேடி ரிட்ஜ்வே சிறுவர்களுக்கான வைத்தியசாலையில் உள்ள மருத்துவ வைத்தியர்கள் இன்று காலை 8 மணியளவில் 24 மணி நேர வேலைநிறுத்தப் போராட்டத்தில் ஈடுபட்டனர்.
நிபுணத்துவ மருத்துவரின் நடத்தை குறித்து, உடனடித் தீர்வுகளை நாடி குறித்த போராட்டத்தை முன்னெடுத்திருந்தது.
முன்னதாக, மருத்துவர் விஜேசிங்க, வைத்தியசாலையின் பணிப்பாளர் பிரச்சினைக்கு தீர்வுகாணவும், குறித்த விசேட வைத்தியர் மீது பலமுறை முறைப்பாடுகள் செய்யப்பட்ட போதிலும் அவர் மீது நடவடிக்கை எடுக்கத் தவறியுள்ளதாக தெரிவித்தார்.
இந்த விடயத்தை சுகாதார சேவைகள் பணிப்பாளர் நாயகத்தின் டாக்டர் அசேல குணவர்தனவின் கவனத்திற்கு கொண்டு செல்லுமாறு சங்கம் நிர்ப்பந்தித்தது, எவ்வாறாயினும், ஏற்கனவே மூன்று வாரங்கள் கடந்துள்ள போதிலும் ஏழு நாட்களுக்குள் பிரச்சினைக்கு தீர்வு காண்பதாக அவர் கொடுத்த வாக்குறுதியை அவரும் நிறைவேற்றவில்லை அரச வைத்திய அதிகாரிகள் சங்கத்தின் பேச்சாளர் மேலும் தெரிவித்தார்.
எவ்வாறாயினும், இந்த விடயம் தொடர்பில் ஆராய்ந்து அரச வைத்திய அதிகாரிகளின் கோரிக்கைகளை நிறைவேற்றித் தருவதாக சுகாதார அமைச்சின் செயலாளர் எழுத்து மூலம் உறுதியளித்ததையடுத்து அடையாள வேலை நிறுத்தம் கைவிடப்பட்டது.
