2023 ஆம் ஆண்டு ஜூன் மாதத்திற்கான தேசிய நுகர்வோர் விலைச் சுட்டெண் அடிப்படையில் இலங்கையின் பணவீக்கம் 10.8 சதவீதமாக பதிவாகியுள்ளது.
மக்கள் தொகைக் கணக்கெடுப்பு மற்றும் புள்ளியியல் திணைக்களம் வெளியிட்டுள்ள சமீபத்திய அறிக்கையின்படி, மே 2023 இல் பதிவு செய்யப்பட்ட 22.1 சதவீதம் என்ற தலையீட்டு பணவீக்கத்துடன் ஒப்பிடுகையில் இது சற்று குறைவாகக் காணப்படுகின்றது.
தேசிய நுகர்வோர் விலைச் சுட்டெண்ணுக்கான பங்களிப்புகள் மாத அடிப்படையில் உணவுப் பொருட்களின் அதிகரிப்பு 0.44 சதவீதமாகவும் உணவு அல்லாத பொருட்களில் 0.3 சதவீதமாகவும் குறைந்துள்ளது.
ஜூன் 2022 உடன் ஒப்பிடுகையில், ஜூன் 2023 இல் பதிவுசெய்யப்பட்ட பணவீக்கம் முக்கியமாக உணவு மற்றும் உணவு அல்லாத குழுக்களில் நிலவும் அதிக விலை நிலைகளின் காரணமாகும் என மக்கள் தொகைக் கணக்கெடுப்பு மற்றும் புள்ளியியல் திணைக்களம் அறிக்கையில் தெரிவிக்கப்பட்டுள்ளது.
இருப்பினும், மாதாந்திர அடிப்படையில், உணவுக் குழுவின் ஆண்டுக்கு ஆண்டு பணவீக்கம் மே 2023 இல் 15.8 சதவீதத்திலிருந்து ஜூன் 2023 இல் 2.5% சதவீதமாகக் குறைந்துள்ளது.
இதற்கிடையில், உணவு அல்லாத குழுவின் ஆண்டுக்கு ஆண்டு பணவீக்கம் மே 2023 இல் 27.6சதவீதத்திலிருந்து ஜூன் 2023 இல் 18.3 சதவீதமாகக் குறைந்துள்ளது.
ஜூன் 2022 உடன் ஒப்பிடும்போது, ஜூன் 2023 இல், ஆண்டு அடிப்படையில் பணவீக்கத்தில் உணவுப் பொருட்களின் பங்களிப்பு 1.21 சதவீதமாகக் காணப்படுகின்றது.
