வீதி அபிவிருத்தி அதிகாரசபை, கிம்புலாவல வீதி உணவு விற்பனையாளர்களுக்கு வெள்ளிக்கிழமைக்குள் தமது கடைகளை அகற்றி இடத்தை காலி செய்யுமாறு அறிவித்துள்ளதாக வியாபாரிகள் தெரிவித்துள்ளனர்.
இது தொடர்பில் எழுத்துமூல அறிவித்தல் வழங்கப்பட்டுள்ள போதிலும், குறித்த இடத்தை விட்டு வெளியேறுவதற்கான தீர்மானத்திற்கான காரணம் குறிப்பிடப்படவில்லை என கிம்புலாவல வீதி உணவு விற்பனையாளர்கள் மேலும் வலியுறுத்துகின்றனர்.
முன்னதாக ஆகஸ்ட் மாதம், கிம்புலாவல தெரு உணவு விற்பனையாளர்களை 14 நாட்களுக்குள் தங்கள் கடைகளை அகற்றுமாறு வீதி அபிவிருத்தி அதிகாரசபை கேட்டுக்கொண்டுள்ளது.
இதேவேளை குறித்த கடைகள் அனுமதியின்றி, சாலைகளில் வாகன போக்குவரத்துக்கு இடையூறு விளைவிக்கும் வகையில் கட்டப்பட்டுள்ளன.
இந்த நடமாடும் தெரு உணவு நிறுவனங்களால் அப்பகுதியில் ஏற்படும் சாலை விபத்துக்கள் குறித்து கவலை தெரிவித்து, நாளாந்தம் பெறப்படும் புகார்களின் எண்ணிக்கை அதிகரித்து வருவதை கருத்தில் கொண்டு இந்த முடிவு எடுக்கப்பட்டுள்ளதாக வீதி அபிவிருத்தி அதிகாரசபை மேலும் வலியுறுத்தியது.
முன்னதாக, நகர அபிவிருத்தி அதிகாரசபை இந்த கடைகளை அகற்ற முடிவு செய்திருந்தது, ஆனால் பின்னர் உணவு விற்பனையாளர்களுக்கும் சம்பந்தப்பட்ட அதிகாரிகளுக்கும் இடையில் உடன்பாடு எட்டப்பட்டதை அடுத்து அவர்களின் வணிகங்களை தொடர்ந்து நடத்த அனுமதி வழங்கியது.
இதேவேளை, கடந்த வாரம் கொட்டாவ மற்றும் தலவத்துகொட பிரதேசங்களில் நிறுவப்பட்ட வீதி உணவு விற்பனை நிலையங்களில் சோதனைகளை மேற்கொண்ட பொது சுகாதார பரிசோதகர்கள், 14 உணவு விற்பனை நிலையங்களுக்கு எதிராக சட்ட நடவடிக்கை எடுத்ததுடன், மனித நுகர்வுக்கு தகுதியற்ற சுகாதாரமற்ற உணவுகளை விற்பனை செய்த 6 கடைகளுக்கு எச்சரிக்கை விடுத்துள்ளனர்.
