யாழ்ப்பாணத்தில் கொரோனோ தொற்றுக்கு இலக்காகி முதலாவதாக அடையாளம் காணப்பட்ட நபர் சுமார் 65 நாள் சிகிச்சையின் பின்னர் வீடு திரும்பியுள்ளார்.
இத்தகவலை வடமாகாண சுகாதார சேவைகள் பணிப்பாளர் மருத்துவர் ஆ.கேதீஸ்வரன் தெரிவித்துள்ளார்.
புதிதாக கட்டட ஒப்பந்தம் ஒன்றினை மேற்கொள்வது தொடர்பாக சுவிஸ் நாட்டிலிருந்து வந்த மத போதகருடன் பழகிய தாவடி பகுதியை சேர்ந்த நபரே இவ்வாறு கொரோனாவிலிருந்து குணமடைந்த நிலையில் வீடு திரும்பியுள்ளார்.
கடந்த மார்ச் மாதம் 22ஆம் திகதி கோரோனோ தொற்று இருப்பதாக அடையாளம் காணப்பட்ட நிலையில் அவர் கொழும்பு தேசிய தொற்று நோயில் வைத்தியசாலையில் (ஐடிஎச்) சிகிச்சைக்கு அனுப்பிவைக்கப்பட்டார் .
அதன்பின்னர் கொழும்பில் சுமார் 65 நாள்கள் சிகிச்சை பெற்று வந்த நிலையில் தற்போது உடல்நலம் தேறிய அவர் வீடு திரும்பியுள்ளார்.
