ஹெரோயின் போதைக்கு அடிமையானவர்கள் பயன்படுத்துவதாகச் சந்தேகிக்கப்படும் 34 கிலோகிராம் எடையுள்ள 60,000 போதை மாத்திரைகளுடன் இந்தியாவிலிருந்து வந்த சந்தேகநபர் ஒருவரை கட்டுநாயக்க விமான நிலையத்தில் வைத்துப் பொலிஸ் போதைப்பொருள் ஒழிப்புப் பணியக அதிகாரிகள் கைதுசெய்துள்ளனர்.
பொலிஸ் போதைப்பொருள் ஒழிப்புப் பணியக அதிகாரிகளுக்குக் கிடைக்கப்பெற்ற இரகசியத் தகவலையடுத்து திகன பிரதேசத்தில் வசிக்கும் 40 வயதுடைய சந்தேக நபர் விமான நிலையத்தின் வருகை முனையத்தில் வைத்துக் கைது செய்யப்பட்டதாகப் பொலிஸார் தெரிவித்தனர்.
குறித்த சந்தேகநபர் 60,460 PREGAB – 150 மில்லிகிராம் மாத்திரைகளைத் தலைமுடி நிறமூட்டிகள் அடைத்து வரும் பொதியினுள் மறைத்து வைத்திருந்தார்.
இதனையடுத்து, சந்தேகநபர் நீர்கொழும்பு நீதிவான் நீதிமன்றில் ஆஜர்படுத்தப்பட்டதன் பின்னர் ஏழு நாட்கள் விளக்கமறியலில் வைக்கப்பட்டுள்ளார்.
T01
