லங்கா பிரீமியர் லீக் கிரிக்கெட் தொடரின் இன்று இடம்பெற்ற போட்டியில் கொழும்பு அணி சார்பாக அதிரடியாக விடையாடிய பாபர் அசாம் சதம் விளாசி தனது அணியை வெற்றி பெற செய்துள்ளார்.
காலி அணிக்கு எதிராக இடம்பெற்ற இந்த போட்டியில் கொழும்பு அணி 07 விக்கெட்டுக்களால் வெற்றி பெற்றுள்ளது.
குறித்த போட்டியில் நாணய சுழற்சியில் வெற்றி பெற்ற கொழும்பு அணி முதலில் பந்துவீச தீர்மானித்தது.
எனவே முதலில் துடுப்பாடிய காலி அணி நிர்ணயிக்கப்பட்ட 20 ஓவர்களில் 03 விக்கெட்டுக்களை இழந்து 188 ஓட்டங்களை பெற்றுக்கொண்டது.
அணிசார்பில் அதிகபடியாக டிம் சீஃபர்ட் 54 ஓட்டங்களை பெற்றுக்கொடுத்தார்.
இந்தநிலையில், 189 ஓட்டங்கள் என்ற வெற்றியிலக்கை நோக்கி துடுப்பாடிய கொழும்பு அணி 19.5 ஓவர்களில் 03 மாத்திரம் இழந்து வெற்றியிலக்கை அடைந்தது.
அணிசார்பில் அதிகபடியாக, பாபர் அசாம் 104 ஓட்டங்களை பெற்றுக்கொடுத்தார்.
இவர் 59 பந்துகளில் 08 நான்கு ஓட்டங்கள் 05 ஆறு ஓட்டங்கள் அடங்கலாக 104 ஓட்டங்களை பெற்றார்.
