மட்டக்களப்பில் அஞ்சல் வாக்களிப்புக் கடமைகளில் ஈடுபடும் அரச உத்தியோகத்தர்களுக்கான விசேட பயிற்சி வகுப்பு திங்கட்கிழமை இடம்பெற்றுள்ளது.
கடமையாற்றவுள்ள அஞ்சல் வாக்கு மேற்பார்வை உதவித் தெரிவத்தாட்சி அலுவலர்கள் மற்றும் உத்தியோகத்தர்களுக்கான விசேட பயிற்சி வகுப்பு இதுவென மாவட்டச் செயலாளரும் மாவட்ட தெரிவத்தாட்சி அலுவலருமான கலாமதி பத்மராஜா தெரிவித்தார்.
இவ்விசேட பயிற்சி வகுப்பில், அஞ்சல் மூலம் வாக்களிக்க தகுதி பெற்ற வாக்காளர்கள் கொரோனா வைரஸ் தடுப்பு முறைபேணி தேர்தல் சட்டவிதிகளுக்கமைவாக வாக்குப் பதிவு செய்வற்குத் தேவையான அறிவுரைகள் ஆலோசனைகள் வழிகாட்டல்கள் என்பன வழங்கப்பட்டன.
மாவட்ட தேர்தல் உதவி ஆணையாளர் ஆர். சசீலனால் அஞ்சல் வாக்களிப்புக் கடமைகளில் ஈடுபடும் உத்தியோகத்தர்களுக்கு விளக்கமளிக்கப்பட்டது.
