கொழும்பிலும் அதன் புறநகர் பகுதிகளிலும் கொரோனா வைரஸ் நோயாளிகள் எவரும் அடையாளம் காணப்படவில்லை என சுகாதார சேவைகள் பணிப்பாளர் அனில்ஜாசிங்க தெரிவித்துள்ளார்.
கொழும்பின் சில பகுதிகளில் புதிய நோயாளர்கள் அடையாளம் காணப்பட்டுள்ளனர் என சமூக ஊடகங்களில் நேற்று தகவல்கள் வெளியாகியிருந்தன.
எனினும் இந்த தகவல்கள் பிழையானவை என தெரிவித்துள்ள அனில்ஜாசிங்க கொழும்பிலோ அல்லது அதன் புறநகர் பகுதியிலேயோ எந்த நோயாளியும் கண்டுபிடிக்கப்படவில்லை என தெரிவித்துள்ளார்.
ராஜங்கனயவிலிருந்தும் கந்தக்காடு புனர்வாழ்வு நிலையத்திலிருந்துமே அதிகளவு நோயாளர்கள் அடையாளம் காணப்பட்டுள்ளனர் என அவர் தெரிவித்துள்ளார் ராஜங்கன கந்தக்காட்டின் ஒரு தொடர்ச்சியே எனவும் அவர் தெரிவித்துள்ளார்.
