மக்காச்சோளத்தை இறக்குமதி செய்ய அரசாங்கம் அனுமதித்தால் உள்ளூர் முட்டைகளை 35 வுக்கு விற்பனை செய்ய முடியும் என இலங்கை விலங்கு உற்பத்தி சங்கம் தெரிவித்துள்ளது.
அரசாங்கம் அதிகபட்ச சில்லறை விலையை உயர்த்தியதை அடுத்து முட்டை விற்பனை அதிகரித்துள்ளதாக சங்கத்தின் தலைவர் அஜித் குணசேகர சுட்டிக்காட்டினார்.
மேலும், ஒரு கிலோகிராம் கோழி இறைச்சியை 1,250 ரூபாவுக்கு விற்பனை செய்ய நடவடிக்கை எடுக்கப்பட்டுள்ளதாகவும் குணசேகர குறிப்பிட்டுள்ளார்.
இந்த ஆண்டு ஏப்ரல் 19 ஆம் திகதி, நுகர்வோர் விவகார ஆணையம் ஒரு சிறப்பு வர்த்தமானி அறிவிப்பை வெளியிட்டது, அதில் ஒரு வெள்ளை முட்டை 44 ரூபாவாகவும் சிவப்பு முட்டை 46 ரூபாவாகவும், ஒரு கிலோகிராம் வெள்ளை முட்டையின் அதிகபட்ச விலை 880 ரூபாவாகவும், ஒரு கிலோ சிவப்பு முட்டையின் அதிகபட்ச விலை 920 ரூபா எனவும் குறிப்பிடப்பட்டிருந்தது.
இருப்பினும், ஜூலை 26 முதல் அமுலுக்கு வரும் வகையில், முட்டையின் விலை உச்சவரம்பு நுகர்வோர் விவகார ஆணையத்தால் நீக்கப்பட்டது.
சந்தையில் முட்டை தட்டுப்பாடு நிலவியதால், விற்பனையாளர்கள் தங்கள் விருப்பப்படி அதிக விலைக்கு முட்டைகளை விற்பனை செய்து வந்ததால், விலைக் கட்டுப்பாடுகள் பயனற்றவை என நிரூபிக்கப்பட்டது.
இதனிடையே, இந்தியாவில் இருந்து இறக்குமதி செய்யப்படும் முட்டைகள், முன்பு பேக்கரிகளுக்கு மட்டுமே வழங்கப்பட்டு வந்த நிலையில், தற்போது அனைத்து லங்கா சதொச விற்பனை நிலையங்களிலும் முட்டை ஒன்றுக்கு 35 ரூபாவாகவும் பல்பொருள் அங்காடிகளில் 40 ரூபாவாகவும் விற்பனை செய்யப்படுகின்றது.
