வீட்டு வசதித் திட்ட ஊழல் குற்றச்சாட்டு வழக்கிலிருந்து பாகிஸ்தான் முன்னாள் பிரதமா் ஷாபாஸ் ஷெரீஃப், தற்காலிக அரசின் இரு அமைச்சா்கள் உள்ளிட்டோரை லாகூரில் உள்ள விசாரணை நீதிமன்றம் விடுவித்துள்ளது.
அந்நாட்டின் ஊழல் தடுப்பு முகமை பதிவு செய்த ஊழல் குற்றச்சாட்டு வழக்கிலிருந்து விடுவிக்கக் கோரி ஷாபாஸ் ஷெரீப், தற்காலிக அரசின் அமைச்சா்கள் பஃவாத் ஹாசன், அஹத் கான் சீமா உள்ளிட்டோா் நீதிமன்றத்தில் மனு தாக்கல் செய்திருந்தனா்.
இந்த மனுக்களை ஏற்றுக்கொண்ட நீதிபதி, வழக்கில் தண்டனை வழங்குவதற்கான முகாந்திரங்கள் எதுவும் இல்லை, எனக் கூறி அவா்களை விடுவித்தாா்.
முன்னதாக, உச்சநீதிமன்றம் அளித்த தீா்ப்புக் குறித்த அறிக்கையை ஊழல் தடுப்பு முகமையின் சாா்பில் ஆஜரான வழக்குரைஞா் நீதிமன்றத்தில் தாக்கல் செய்தாா்.
முன்னாள் பிரதமா் இம்ரான் கான் கடந்த ஆண்டு ஏப்ரலில், ஆட்சிப் பொறுப்பிலிருந்து வெளியேற்றப்பட்டதைத் தொடா்ந்து, ஷாபாஸ் ஷெரீஃப் பிரதமரானாா். இவா், முன்னாள் பிரதமா் நவாஸ் ஷெரீஃபின் இளைய சகோதரா் என்பது குறிப்பிடத்தக்கது.
அண்மையில் லண்டனிலிருந்து நாடு திரும்பிய நவாஸ் ஷெரீஃப், நடைபெறவுள்ள நாடாளுமன்ற பொதுத் தோ்தலில் போட்டியிடும் முனைப்பில் உள்ளாா் எனத்தெரியவருகிறது. (04)
