வடமேற்கு கடுனா மாநிலத்தில் உள்ள ஒரு கிராமத்தில் கடந்த ஞாயிற்றுக்கிழமை நைஜீரிய இராணுவத்தின் ஆளில்லா விமானம் 85 பொதுமக்களைக் கொன்றுள்ளது. இது நாட்டின் மிக மோசமான இராணுவ குண்டுவெடிப்பு விபத்துகளில் ஒன்றாக அவசரகால அதிகாரிகள் தெரிவித்தனர்.
துடுன் பிரி கிராமத்தில் வசிப்பவர்கள் முஸ்லிம் பண்டிகையைக் கொண்டாடிக் கொண்டிருந்தபோது, ராணுவத்தின் ஆளில்லா விமானம் ஒன்று தற்செயலாகத் தாக்கியதை ராணுவம் ஒப்புக்கொண்டதை அடுத்து, ஜனாதிபதி போலா அகமது டினுபு இன்று விசாரணைக்கு உத்தரவிட்டார்.
இராணுவம் உயிர்ச்சேத புள்ளிவிவரங்கள் எதையும் கொடுக்கவில்லை, ஆனால் , பல பெண்கள் மற்றும் குழந்தைகள் அடங்கிய உள்ளூர்வாசிகள் 85 பேர் கொல்லப்பட்டதாகக் கூறியுள்ளனர்.
இதேவேளை, வடமேற்கு மண்டல அலுவலகம் உள்ளூர் அதிகாரிகளிடமிருந்து இதுவரை 85 இறந்த உடல்கள் புதைக்கப்பட்டுள்ளன என்ற விவரங்களைப் பெற்றுள்ளதாக தேசிய அவசரநிலை மேலாண்மை நிறுவனம் ஒரு அறிக்கையில் தெரிவித்துள்ளது.
மேலும் 66 பேர் மருத்துவமனையில் சிகிச்சை பெற்று வருவதாக தேசிய அவசரநிலை மேலாண்மை நிறுவனம் கூறியுள்ளது.
