டிசம்பர் மாதத்தில் மட்டும் 10,000 டெங்கு நோய்த்தொற்றுகள் பதிவாகியுள்ளதாகவும் இது 2023 இல் பதிவான மொத்த தொற்றுநோய்களின் எண்ணிக்கையை 87,078 ஆகக் கொண்டு வந்துள்ளதாகவும் சுகாதார அதிகாரிகள் தெரிவித்துள்ளனர்.
இதன்படி, இந்த மாதத்தில் மாத்திரம் 10,600 டெங்கு நோயாளர்கள் காணப்பட்டதாகவும், கொழும்பு, கம்பஹா மற்றும் களுத்துறை மாவட்டங்களில் அதிகளவான தொற்றுக்கள் பதிவாகியுள்ளதாகவும் சுகாதார அதிகாரிகள் தெரிவித்துள்ளனர்.
மேல் மாகாணத்தில் 87,078 டெங்கு நோயாளர்களில் 39,543 வழக்குகள் பதிவு செய்யப்பட்டுள்ளன.
இதன்படி, கம்பஹா மாவட்டத்தில் 18,401 டெங்கு நோயாளர்கள் பதிவாகியுள்ள அதேவேளை, கொழும்பு மாவட்டத்தில் மொத்தமாக 16,020 பேர் டெங்கு நோயால் பாதிக்கப்பட்டுள்ளனர்.
களுத்துறை மாவட்டத்தில் மொத்தம் 5,122 பேர் பாதிக்கப்பட்டுள்ளதுடன், புத்தளம் மற்றும் கண்டி மாவட்டங்களில் இருந்தும் பல டெங்கு நோயாளர்கள் பதிவாகியுள்ளன.
இதற்கிடையில், மொத்தம் 62 சுகாதார அமைச்சு பகுதிகள் ‘அதிக ஆபத்து’ மண்டலங்களாக வகைப்படுத்தப்பட்டுள்ளன.
