கல்கமுவ பொலிஸ் பிரிவிற்குட்பட்ட பலுகந்தாவ பிரதேசத்தில் கல்கமுவ – ஆனமடுவ வீதியில் கார் மற்றும் மோட்டார் சைக்கிள் மோதிய விபத்தில் 19 வயதுடைய இளைஞர் ஒருவர் உயிரிழந்துள்ளார்.
ஆனமடுவையில் இருந்து கல்கமுவ நோக்கி பயணித்த கார் ஒன்று வீதிக்கு எதிர் திசையில் வந்த மோட்டார் சைக்கிள் மீது மோதியதில் இந்த விபத்து இடம்பெற்றுள்ளது.
விபத்தில் படுகாயமடைந்த மோட்டார் சைக்கிள் சாரதி கல்கமுவ வைத்தியசாலையில் அனுமதிக்கப்பட்டதன் பின்னர் உயிரிழந்துள்ளார்.
உயிரிழந்தவர் கல்கமுவ பிரதேசத்தைச் சேர்ந்த 19 வயதுடையவர்.
விபத்துடன் தொடர்புடைய காரை ஓட்டிச் சென்ற பெண் கைது செய்யப்பட்டுள்ள நிலையில், கல்கமுவ பொலிஸார் மேலதிக விசாரணைகளை மேற்கொண்டு வருகின்றனர்.
