யாழ்ப்பாண வர்த்தக தொழில் துறை மன்றத்தின் யாழ்ப்பாண சர்வதேச புத்தகத் திருவிழா 2024 ஆம் ஆண்டு ஆகஸ்ட் மாதம் 9ஆம் திகதி முதல் 11 ஆம் திகதி வரை மூன்று நாட்கள் யாழ்ப்பாண கலாச்சார நிலையத்தின் கண்காட்சிக்காக ஒதுக்கப்பட்டுள்ள பகுதியில் நடத்த திட்டமிடப்பட்டுள்ளது .
வடக்கு மாகாண ஆளுநரின் ஆசியுடன் 2024ஆம் ஆண்டுக்கான யாழ்ப்பாண சர்வதேச புத்தக திருவிழாவுக்கான ஏற்பாடுகள் நடைபெற்று வருகின்றன.
உள்நாட்டிலும் தேசிய அளவிலும் சர்வதேச அளவிலும் ஆர்வமும் பங்கு கொள்ள விருப்பமும் உள்ள புத்தக வெளியீட்டாளர்கள் மற்றும் விற்பனையாளர்களை ஒன்றிணைத்து இந்த புத்தகத் திருவிழாவை நடத்துவதற்கான ஏற்பாடுகள் நடைபெற்று வருகின்றன.
ஒவ்வொரு வருடமும் பல புத்தகக் கண்காட்சிகள் நடக்கின்றன. ஆனால் யாழ்ப்பாணத்தில் உள்ளூர் மற்றும் சர்வதேச எழுத்தாளர்களை ஊக்குவிக்கும் வகையில் யாழ்ப்பாண வர்த்தக தொழில் துறை மன்றமானது இந்த புத்தகக் கண்காட்சியை நடத்துவது இதுவே முதல் முறையாகும்.
2024 ஆம் ஆண்டுக்கான யாழ்ப்பாண சர்வதேச புத்தகத் திருவிழா தொடர்பான விளக்கத்தினை வழங்குவதற்கான ஊடக சந்திப்பு ஒன்று இம்மாதம் 24ஆம் திகதி புதன்கிழமை டில்கோ ஜப்னா சிட்டி ஹோட்டலில் (Tilko jaffna city hotel) மாலை 4 மணிக்கு ஒழுங்கமைக்கப்பட்டுள்ளது.
