ஜனாதிபதி ரணில் விக்ரமசிங்கவிற்கும் முன்னாள் ஜனாதிபதி மஹிந்த ராஜபஸவிற்கும் இடையில் விசேட சந்திப்பொன்று இடம்பெற்றுள்ளது.
கொழும்பு – விஜேராமவில் உள்ள மஹிந்த ராஜபஸவின் இல்லத்தில் நேற்றிரவு 7 மணியளவில் குறித்த சந்திப்பு இடம்பெற்றதாகத் தகவல்கள் தெரிவிக்கின்றன.
சுமார் ஒரு மணித்தியாலம் இடம்பெற்ற இந்தக் கலந்துரையாடலில் எதிர்வரும் ஜனாதிபதித் தேர்தல் தொடர்பிலும் பொது ஜனபெரமுன தனியான வேட்பாளரை களமிறக்குவதற்கு திட்டமிட்டுள்ளமை தொடா்பிலும் கலந்துரையாடப்பட்டதாகத் தெரிவிக்கப்படுகின்றது.
ஜனாதிபதி ரணில் விக்கிரமசிங்கவை ஆதரிப்பதில்லை என்றும் தனியான வேட்பாளா் ஒருவரை களமிறக்கவும் பொது ஜன பெரமுனயின் அரசியல் குழு கடந்த வாரம் எடுத்த முடிவையடுத்து அக்கட்சிக்குள் நெருக்கடிகள் அதிகரித்துள்ளதுடன் ரணிலுக்கான ஆதரவும் அதிகரித்துள்ளது.
இந்தப் பின்னணியிலேயே நேற்றைய சந்திப்பு இடம்பெற்றது.
