ஹிக்கடுவ பொலிஸ் பிரிவிற்குட்பட்ட சுற்றுலா விடுதிக்கு அருகில் மோட்டார் சைக்கிளில் வந்த இருவர் T-56 ரக துப்பாக்கியால் நபர் ஒருவரை சுட முற்பட்ட சம்பவம் தொடர்பில் சந்தேகநபரொருவர் கைது செய்யப்பட்டுள்ளதாக பொலிஸார் தெரிவித்தனர்.
கைது செய்யப்பட்ட சந்தேகநபர் தொடந்துவ பிரதேசத்தை சேர்ந்த 32 வயதுடையவர் என பொலிஸார் தெரிவிக்கின்றனர்.
குறித்த சந்தேகநபர் கடந்த 14ஆம் திகதி இடம்பெற்ற துப்பாக்கிச் சூட்டு குற்றத்திற்கு உதவிய சந்தேகநபர் என தெரிவித்துள்ளனர்.
சம்பவம் தொடர்பான மேலதிக விசாரணைகளை ஹிக்கடுவ பொலிஸார் மேற்கொண்டு வருகின்றனர்.
