நாட்டிலுள்ள வெளிநாட்டுக் கையிருப்புக்கள் தீர்ந்து போகாத வகையில், முறையான நடைமுறையின் கீழ் மாத்திரமே வாகன இறக்குமதி மேற்கொள்ளப்படும், என அமைச்சர் விஜித ஹேரத் தெரிவித்துள்ளார்.
வாகனங்களை இறக்குமதி செய்ய அனுமதி வழங்கப்பட வேண்டும் என்ற நிலைப்பாட்டில் அரசாங்கம் இருப்பதாகவும் அவர் குறிப்பிட்டார்.
தற்போது, வாகனங்களை இறக்குமதி செய்வதற்கு அதிக தேவை உள்ளது. முன்னதாக முன்னெடுக்கப்பட்ட நடவடிக்கைகள் தொடர்பாக அமைச்சரவையில் முடிவு எடுக்கப்பட்டுள்ளது.
ஆயினும், இதுவரை நாங்கள் ஆட்சிக்கு வந்த பிறகு எந்த வாகனத்தையும் இறக்குமதி செய்யவில்லை. அதேநேரம், எந்தவொரு வகையிலும் கட்டணச் சலுகைகளுடன் வாகனங்களை இறக்குமதி செய்வதற்கு அரசாங்கம் நடவடிக்கை எடுக்கவில்லை, என்றும் அமைச்சரவைப் பேச்சாளர் தெரிவித்துள்ளார்.
