மிருசுவிலில் வாள் வெட்டு ஒருவர் பலி நால்வர் காயம்!!!
யாழ்.தென்மராட்சி மிருசுவில்-மன்னன் குறிச்சிப் பகுதியில் இரு குடும்பங்களுக்கிடையில் இடம்பெற்ற வாள் வெட்டில் ஒருவர் உயிரிழந்துள்ளதுடன் நால்வர் படுகாயமடைந்துள்ளனர்.
இந்தச் சம்பவம் நேற்றிரவு 7.30 மணியளவில் இடம்பெற்றதாக கொடிகாமம் பொலிஸார் தெரிவித்தனர்.
இரு குடும்பங்களுக்கிடையில் இடம்பெற்ற மோதல் வாள்வெட்டில் முடிந்ததாகத் தெரிவிக்கப்படுகிறது.
சம்பவத்தில் மிருசுவில் மருதங்குளம் பகுதியைச்
40 வயதான ராஜகோன் சிவகுமார் என்பவர் வாள் வெட்டில் உயிரிழந்துள்ளார்.
காயமடைந்த பெண் உள்ளிட்ட நால்வரும் சாவகச்சேரி ஆதார வைத்திய சாலையில் அனுமதிக்கப்பட்டு அவர்களில் இருவர் மேலதிக சிகிச்சைக்காக யாழ். போதனா வைத்தியசாலைக்கு மாற்றப்பட்டுள்ளனர்.
சம்பவம் தொடர்பான மேலதிக விசாரணைகள் கொடிகாமம் பொலிஸார் முன்னெடுத்துள்ளனர.
