கொழும்பு 15, மோதரையில் நேற்று உயிரிழந்த பெண்மணிக்கு கொரோனா வைரஸ் எவ்வாறு தொற்றியது என்பது குறித்து இதுவரை தெரியவரவில்லை என்று கொரோனா வைரஸ் தடுப்புக்கான தேசிய செயற்பாட்டு நிலையத்தின் தலைவரும் இராணுவத் தளபதியான லெப்டினன்ட் ஜெனரல் சவேந்திர சில்வா தெரிவித்தார்.
அவர் மேலும் கூறியதாவது:-
“எப்படியாயினும் குறித்த பெண்மணிக்கு எவ்வாறு கொரோனா வைரஸ் தொற்று ஏற்பட்டது என்பதைக் கண்டறிவோம். இன்றைய தினத்துக்குள் அது தொடர்பில் அறிவிப்பொன்றை வெளியிடுபோம்.
இலண்டனிலிருந்து இலங்கையர்கள் திருப்பி அழைக்கப்பட்டபோது அவர்கள் கட்டுநாயக்க விமான நிலையத்தில் குழப்பம் விளைவித்தார்கள் என்ற செய்திகள் தவறானவை. அப்படி எந்தக் குழப்பங்களும் நடக்கவில்லை” – என்றார்.
