இந்திய மல்யுத்த சம்மேளனத் தலைவர் பிரிஜ் பூஷன் சரண் சிங் மீது 7 மல்யுத்த வீராங்கனைகள் அளித்த பாலியல் புகார் குறித்து விசாரித்து அவரைக் கைதுசெய்யக்கோரி ஒரு மாதத்துக்கு மேலாக டெல்லி ஜந்தர் மந்தர் பகுதியில் போராட்டத்தில் ஈடுபட்ட பஜ்ரங் பூனியா, வினேஷ் போகத் உள்ளிட்ட முன்னணி வீர, வீராங்கனைகள் தற்காலிகமாகத் தங்களது போராட்டத்தை ஒத்திவைத்துள்ளனர்.
இந்த நிலையில், மல்யுத்த வீராங்கனைகள் அளித்த பாலியல் புகார் தொடர்பான வழக்கு டெல்லி நீதிமன்றத்தில் நடைபெற்றுவரும் நிலையி,ல் சாக்ஷி மாலிக் வெளியிட்டுள்ள டுவிட்டர் பதிவில், இந்த வழக்கில், எங்களுக்கு நீதி கிடைக்கும் வரை மல்யுத்த வீரர்களின் போராட்டம் தொடரும், ஆனால் அது நீதிமன்றத்தில் இருக்கும், சாலையில் அல்ல எனத் தெரிவித்தார்.
அத்தோடு, இந்திய மல்யுத்தக் கூட்டமைப்புக்கான சீர்திருத்தம் குறித்து, வாக்குறுதி அளித்தபடி தேர்தல் பணிகள் தொடங்கியுள்ளன. ஜூலை 11 இல், தேர்தல் தொடர்பாக அரசாங்கம் அளித்த வாக்குறுதிகளை நிறைவேற்ற நாங்கள் காத்திருப்போம், என்றும் தெரிவித்துள்ளார்.
