கிளிநொச்சி கொக்காவில் பகுதியில் இலங்கை போக்குவரத்து சபைக்கு சொந்தமான பயணிகள் பேரூந்து ஒன்று இராணுவத்தினரை ஏற்றிச் சென்ற லொறியுடன் மோதியதில் 6 பேர் காயமடைந்துள்ளனர்.
துணுக்காய் முல்லைத்தீவில் இருந்து யாழ்ப்பாணம் நோக்கி பயணித்த இலங்கை போக்குவரத்து சபை பேருந்தும் மாங்குளத்தில் இருந்து கிளிநொச்சி நோக்கி சென்ற லொறியும் மோதியதில் இந்த விபத்து இடம்பெற்றுள்ளதாக பொலிஸார் தெரிவித்தனர்.
இந்த விபத்தில் லொறி கவிழ்ந்ததில் 4 ராணுவ வீரர்கள் காயமடைந்தனர்.
பயணிகள் பேருந்தின் சாரதி மற்றும் பேருந்தில் பயணித்த பெண் ஒருவரும் காயமடைந்துள்ளனர்.
காயமடைந்த 6 பேர் கிளிநொச்சி வைத்தியசாலையில் சிகிச்சைக்காக அனுமதிக்கப்பட்டுள்ளனர்.
எனினும் அவர்களின் நிலைமை கவலைக்கிடமாக இல்லை என வைத்தியசாலை வட்டாரங்கள் தெரிவிக்கின்றன.
இதேவேளை, சம்பவம் தொடர்பில் பயணிகள் பேருந்தின் சாரதி மாங்குளம் பொலிஸாரால் கைது செய்யப்பட்டுள்ளார்.
