இலங்கை விமானப் படையின் ஏற்பாட்டில் வடக்கு மாகாணத்தில் பல்வேறுபட்ட துறையிலும் சாதித்த மாணவர்கள் வானத்தில் சுற்றுலா சென்றனர்.
இலங்கை விமானப் படையின் 73 ஆண்டு நிறைவை வடக்கு மாகாணத்திலும் யாழ்ப்பாணத்திலும் விசேட நிகழ்ச்சிகள் ஏற்பாடு செய்யப்பட்டுள்ளன.
இதனொரு அங்கமாக வடக்கு மாகாணத்தில் கல்வி, விளையாட்டு என பல்வேறுபட்ட துறைகளில் சாதித்த 20 மாணவர்களை உலங்கு வானூர்தியில் ஏற்றிச் சென்று, யாழ்ப்பாணத்தை 20 நிமிடங்கள் சுற்றிப் பார்க்கும் வாய்ப்பு இலங்கை விமானப் படையினரால் வழங்கப்பட்டது.
யாழ்ப்பாணம் இந்துக் கல்லூரி மைதானத்தில் மாணவர்களை ஏற்றிய விமானப் படை உலங்கு வானூர்தி யாழ்ப்பாணத்தின் கரையோரப் பகுதிகளைச் சுற்றி வட்டமிட்டதுடன் மீண்டும் கல்லூரி மைதானத்தில் தரையிறங்கியது.
