உள்நாட்டில் தயாரிக்கப்பட்ட துப்பாக்கியுடன் சந்தேகநபர் ஒருவர் கிரிபாவ பொலிஸ் பிரிவுக்கு உட்பட்ட சங்கப்பாலய வெல்யாய பிரதேசத்தில் வைத்து நேற்று (23) கைது செய்யப்பட்டுள்ளார்.
கிரிபாவ பொலிஸ் அதிகாரிகளுக்கு கிடைக்க பெற்ற தகவலுக்கு அமைய மேற்கொண்ட சுற்றிவளைப்பின் போதே சந்தேகநபர் கைது செய்யப்பட்டுள்ளார்.
கல்கமுவ பிரதேசத்தைச் சேர்ந்த 48 வயதுடைய ஒருவரே இவ்வாறு கைது செய்யப்பட்டுள்ளதாக பொலிஸார் தெரிவித்தனர்.
சம்பவம் தொடர்பான மேலதிக விசாரணைகளை கிரிபாவ பொலிஸார் முன்னெடுத்துள்ளனர்.
அதேவேளை எல்பிட்டிய, வல்லம்பகல சந்தியில் உள்நாட்டில் தயாரிக்கப்பட்ட துப்பாக்கியுடன் 29 வயதான தல்கஸ்பே பகுதியைச் சேர்ந்த நபர் ஒருவர் கைது செய்யப்பட்டுள்ளார்.
குறித்த நபரிடமிருந்து கத்தி, வாள், 25 கிராம் ஹெரோயின் போன்றவையும் கைப்பற்றப்பட்டுள்ளன.
இச்சம்பவம் தொடர்பிலும் பொலிஸார் விசாரணைகளை மேற்கொண்டு வருகின்றனர்.
