விமான தபால் சேவை மூலம் அனுப்பப்பட்ட பொதியொன்றிலிருந்து 65 கிராம் குஷ் போதைப்பொருளும், 500 மில்லிலீற்றர் கொக்கேன் போதைப்பொருளும் இலங்கை சுங்க போதைப்பொருள் கட்டுப்பாட்டு பிரிவினரால் கைப்பற்றப்பட்டுள்ளது.
இலங்கை சுங்க போதைப்பொருள் கட்டுப்பாட்டுப் பிரிவின் அதிகாரிகள் மற்றும் பொலிஸ் போதைப்பொருள் தடுப்பு பிரிவினரால் நடத்தப்பட்ட சோதனையின் போதே இந்த போதைப்பொருட்கள் கைப்பற்றப்பட்டுள்ளன.
குறித்த பொதியானது பிரித்தானியாவிலிருந்து கிரிபத்கொடை பிரதேசத்தில் உள்ள முகவரி ஒன்றிற்கு அனுப்பி வைக்கப்பட்டுள்ளதாக இலங்கை சுங்க போதைப்பொருள் கட்டுப்பாட்டுப் பிரிவினர் தெரிவித்துள்ளனர்.
இது தொடர்பில் ராகம பகுதியைச் சேர்ந்த 23 வயதுடைய சந்தேக நபர் ஒருவர் கைது செய்யப்பட்டுள்ளார்.
விமான தபால் சேவை மூலம் அனுப்பப்பட்ட, திரவ வடிவிலான கொக்கேன் போதைப்பொருள் கைப்பற்றப்பட்டமை இதுவே முதல் முறை என்று சுங்க அதிகாரிகள் தெரிவித்துள்ளமை குறிப்பிடத்தக்கது.
