முட்டை உற்பத்தி வருமானத்திற்கு இன்று முதல் 18 வீத பொருட்கள் மற்றும் சேவை வரி விதிக்கப்படும் என்று அகில இலங்கை முட்டை உற்பத்தியாளர்கள் சங்கம் தெரிவித்துள்ளது.
குறித்த வரி விதிப்பதால் முட்டை விலையில் எந்த அதிகரிப்பும் ஏற்படாது என்றும் சங்கத்தின் செயலாளர் ரத்னசிறி அழககோன் தெரிவித்தார்.
முட்டை உற்பத்தியாளர்களிடமிருந்து முட்டை உற்பத்தி வருமானத்திற்கு வற் வரி விதிக்கப்படுவது வரலாற்றில் இதுவே முதல் முறை என்றும் அவர் கூறினார்.
இந்த வரியை அமுல்படுத்துவது முட்டை உற்பத்தியாளர்களுக்கு கடுமையான பாதகத்தை ஏற்படுத்தும் என்றும், தொழில்துறையில் கடுமையான தாக்கத்தை ஏற்படுத்தும் என்றும் அவர் மேலும் தெரிவித்திருந்தமையும் குறிப்பிடத்தக்கது.
