லங்கா சதொச நிறுவனம் 7 அத்தியாவசிய உணவுப் பொருட்களின் விலைகளைக் குறைக்க முடிவு செய்துள்ளது.
அதன்படி பெரிய வெங்காயம், கோதுமை மா, நாட்டு அரிசி, சிவப்பு பச்சை அரிசி, சிவப்பு சீனி, பருப்பு மற்றும் டின் மீன் ஆகியவற்றின் விலைகள் குறைக்கப்படும் என சதொச நிறுவனம் தனது அறிக்கையில் தெரிவித்துள்ளது.
சதொச நிறுவனத்தின் தீர்மானத்திற்கு அமைய, பெரிய வெங்காயம் ஒரு கிலோகிராமின் விலை 30 ரூபாவால் குறைக்கப்பட்டு அதன் புதிய விலை 140 ரூபாவாகும்.
கோதுமை மா ஒரு கிலோ கிராமின் விலை 7 ரூபாவால் குறைக்கப்பட்டு அதன் புதிய விலை 155 ரூபாவாகும்.
நாட்டு அரிசியின் விலை கிலோ கிராமிற்கு 7 ரூபா குறைக்கப்பட்டுள்ளதுடன் அதன் புதிய விலை 213 ரூபாவாகும்.
சிவப்பு பச்சை அரிசியின் விலை 3 ரூபாவால் குறைக்கப்பட்டுள்ளதுடன் அதன் புதிய விலை 217 ரூபாவாகும்.
சிவப்பு சீனி ஒரு கிலோ கிராமின் விலை 22 ரூபாவினால் குறைக்கப்பட்டுள்ளதுடன் அதன் புதிய விலை 255 ரூபாவாகும்.
சிவப்பு பருப்பு ஒரு கிலோ கிராமின் விலை 15 ரூபாவினால் குறைக்கப்பட்டுள்ளதுடன் அதன் புதிய விலையாக 265 ரூபாவாகும்.
டின் மீன் 425 கிராமின் விலை 25 ரூபாவினால் குறைக்கப்பட்டு அதன் புதிய விலை 395 ரூபாவாக அறிவிக்கப்பட்டுள்ளது.
