நடமாடும் சேவைகள் வாரம் இன்று (22) முதல் ஆரம்பமாகவுள்ளது.
இந்த நிகழ்வு தொழிலாளர் அமைச்சினால் ஏற்பாடு செய்யப்பட்டுள்ளது.
இதற்கான ஆரம்ப நிகழ்வு தொழிலாளர் பிரதி அமைச்சர் மஹிந்த ஜயசிங்க தலைமையில் இன்று காலை 9.00 மணிக்கு யாழ்ப்பாண மாவட்ட செயலகத்தில் ஆரம்பமாகியது.
இன்று ஆரம்பிக்கப்படும் இந்த திட்டத்திற்கு அமைய, நடமாடும் சேவைகள் வாரத்தை நாடு முழுவதும் முன்னெடுக்க திட்டமிடப்பட்டுள்ளதாக அமைச்சகம் தெரிவித்துள்ளது.
ஊழியர் சேமலாப நிதி உறுப்பினர்களின் பிரச்சினைகளைத் தீர்ப்பது, வேலைவாய்ப்பு கண்காட்சிகள் மூலம் வேலைவாய்ப்புகளை வழங்குதல், சட்ட ஆலோசனை மற்றும் வழிகாட்டுதல் உள்ளிட்ட தொழிலாளர் அமைச்சகத்திற்குச் சொந்தமான பல சேவைகளை இதன் மூலம் பெற முடியும் என்று அமைச்சகம் தெரிவித்துள்ளமை குறிப்பிடத்தக்கது.
