மது போதையில் அநாகரிகமாக நடந்து கொண்டார்கள் என 2 சிறுமிகள் உட்பட 6 பேரை பாணந்துறை குற்றப் புலனாய்வுப் பிரிவினர் கைது செய்துள்ளனர்.
நேற்று (20) மாலை பாணந்துறை பிரதான வீதியிலுள்ள சுற்றுலா விடுதிக்கு அருகில் வைத்து இவர்கள் கைது செய்யப்பட்டுள்ளதாக தெரிவிக்கப்படுகின்றது
கைது செய்யப்பட்டவர்களில் இரண்டு சிறுமிகள், ஓர் இளம் பெண், ஓர் ஆண் மற்றும் இரண்டு இளைஞர்கள் உள்ளடங்குவதாக தெரிவிக்கப்படுகின்றது.
சுற்றுலா ஹோட்டல் ஒன்றுக்கு அருகில் மது அருந்திவிட்டு அநாகரிகமாக நடந்து கொள்வதாக அப்பகுதி மக்களிடமிருந்து காவல்துறையினருக்கு தொலைபேசி மூலம் தகவல் வழங்கப்பட்டுள்ளது.
இதனையடுத்து அங்கு சென்ற பாணந்துறை குற்றப் புலனாய்வுப் பிரிவின் அதிகாரிகள் குறித்த ஆறு பேரையும் கைது செய்து பொலிஸ் நிலையத்துக்கு அழைத்துச் சென்றனர்.
