நோர்வூட் பொலிஸ் நிலையத்தைச் சேர்ந்த பொலிஸார், நேற்று இரவு ரோந்து சேவையில் ஈடுபட்டிருந்தபோது, அவர்கள் பயணித்த ஜீப் வண்டி, பள்ளத்தில் விழுந்து விபத்துக்கு உள்ளாகியது.
இந்த விபத்தில் காயமடைந்த மூவரும், டிக்கோயா- கிளங்கன் வைத்தியசாலையில் அனுமதிக்கப்பட்டுள்ளனர்.
நோர்வூட்- பொகவந்தலாவை பிரதான வீதியில், வெஞ்சர் தேயிலைத்தொழிற்சாலைக்கு அண்மையில் நேற்று இரவு 11 மணியளவில் குறித்த விபத்து இடம்பெற்றுள்ளது.
சட்டவிரோதமான முறையில் மாணிக்கக்கல் அகழ்வில் சிலர் ஈடுபட்டுகொண்டிருப்பதாக கிடைத்த தகவலை அடுத்து, சென்ஜோன்டிலரி தோட்டத்தில் இருந்து நியூவெளியை நோக்கி பயணித்துக்கொண்டிருந்த போதே குறித்த விபத்து இடம்பெற்றுள்ளது.
காயமடைந்த பொலிஸாரை சென்ஜோன்டிலரி தோட்ட மக்கள் காப்பாற்றி, வைத்தியசாலையில் அனுமதித்துள்ளனர்.
