சீனாவில் 14 பாம்பு குட்டிகளை ஜீன்ஸ் பொக்கெட்டில் வைத்து கடத்த முயன்ற நபர் ஒருவர் கைது செய்யப்பட்டார்.
சீனா – ஹாங்காங் எல்லையில் அமைந்துள்ள ஃபுடியன் துறைமுகத்தின் நுழைவாயிலில் சந்தேகத்திற்கிடமான வகையில் நடந்து வந்த பயணியை பிடித்து சுங்கத்துறை அதிகாரிகள் சோதனையிட்டனர்.
சோதனையிட்டபோது, அவரது ஜீன்ஸ் பொக்கெட்டிலும், காலுறைகளிலும் மறைத்து வைக்கப்பட்டிருந்த 14 குட்டிப் பாம்புகள் சிக்கின.
இதையடுத்து, குறித்த நபரை அதிகாரிகள் கைது செய்ததோடு, அவரிடமிருந்த பாம்புக் குட்டிகளையும் பறிமுதல் செய்தனர்.
பறிமுதல் செய்யப்பட்ட பாம்புக் குட்டிகளில் அழிவின் விளிம்பில் உள்ள 3 மலைப்பாம்புக் குட்டிகளும் இருந்ததாக அதிகாரிகள் தெரிவித்துள்ளனர்.
