மின்சாரக் கட்டணத் திருத்தங்களைக் கோரும் முன்மொழிவுக்குத் தேவையான தரவுகளை இலங்கை பொதுப் பயன்பாடுகள் ஆணைக்குழுவிடம் சமர்ப்பித்துள்ளதாக இலங்கை மின்சார சபை தெரிவித்துள்ளது.
நேற்றையதினம், இலங்கை மின்சார சபையின் ஊடகப் பேச்சாளர் மின் கட்டணக் குறைப்புக்கான முன்மொழிவை அரசுக்குச் சொந்தமான மின்சார விநியோக நிறுவனம் நாளடைவில் இலங்கை பொதுப் பயன்பாடுகள் ஆணைக்குழுவிற்கு கையளிப்பதாக நோயல் பிரியந்த தெரிவித்தார்.
மேலும் தெரிவிக்கையில், மின்சாரக் கட்டணங்கள் மூலம் பொதுமக்களுக்கு அதிகபட்ச நிவாரணம் வழங்க நாங்கள் பணியாற்றி வருகிறோம் எனக் குறிப்பிட்டார். அத்துடன் குறைந்த வருமானம் கொண்டவர்கள் நிச்சயமாக இந்த நன்மைகளைப் பெறுவார்கள் என்று வலியுறுத்தினார்.
கடந்த சில மாதங்களில், குறிப்பாக நவம்பர் மற்றும் டிசம்பர் மாதங்களில் இலங்கையில் கணிசமான மழை பெய்து வருவதால், கட்டணக் குறைப்பு சாத்தியம் என, இலங்கை மின்சார சபையின் பேச்சாளர் மேலும் குறிப்பிட்டார்.
ஜனவரி ஐந்தாம் திகதியன்று, மின்சக்தி மற்றும் எரிசக்தி இராஜாங்க அமைச்சர் இந்திக்க அனுருத்த செய்தியாளர் சந்திப்பில், மின்சார கட்டண திருத்தத்தை ஆதரிக்கும் தரவு ஏற்கனவே இலங்கை பொதுப் பயன்பாடுகள் ஆணைக்குழுவிற்கு சமர்ப்பிக்கப்பட்டுள்ளதாகவும், பெப்ரவரி முதல் வாரத்தில் கட்டணங்கள் குறைக்கப்படலாம் என்றும் கூறினார்.
எவ்வாறாயினும், இலங்கை பொதுப் பயன்பாடுகள் ஆணைக்குழுவின் அறிக்கையுடன் முரண்பட்டது, மற்றும் முன்மொழியப்பட்ட மின்சார கட்டணக் குறைப்பு குறித்த ஆவணத்தை இலங்கை மின்சார சபையிடமிருந்து பெற மறுத்தது. இது தொடர்பாக ஊடகங்களில் வெளியான செய்திகளில் உண்மையில்லை என எரிசக்தி துறை கட்டுப்பாட்டாளர் தெளிவுபடுத்தினார்.
