ஒரு மில்லியன் ரூபாவுக்கும் அதிக பெறுமதியான கேரள கஞ்சாவை வைத்திருந்த இளைஞர் ஒருவரை இலங்கை கடற்படையினர் கைது செய்துள்ளனர்.
வடக்கு கடற்படை கட்டளையில் உள்ள கடற்படை வரிசைப்படுத்தல் வெத்தலகர்ணி மற்றும் கிளிநொச்சியில் உள்ள பொலிஸ் விசேட அதிரடிப்படை ஆகியவற்றின் ஒருங்கிணைந்த நடவடிக்கையின் போது நேற்றையதினம் குறித்த கைது இடம்பெற்றது.
இந்த நடவடிக்கையின் போது, சந்தேகத்தின் பேரில் மோட்டார் சைக்கிள் ஒன்றை மறித்து சோதனையிட்டபோது, அந்த நபர் சுமார் 3.96 கிலோகிராம் கேரள கஞ்சாவை கடத்தியமை தெரியவந்தது.
அதன்படி கேரள கஞ்சா மற்றும் வாகனத்துடன் சந்தேகநபர் கைது செய்யப்பட்டுள்ளார்.
கைப்பற்றப்பட்ட கேரள கஞ்சாவின் மொத்த மதிப்பு 1 மில்லியன் ரூபாய் என கடற்படை தெரிவித்துள்ளது.
கைது செய்யப்பட்ட சந்தேக நபர் 22 வயதுடைய உடுத்துறை – வடக்கு பகுதியைச் சேர்ந்தவர் என அடையாளம் காணப்பட்டுள்ளார்.
கைதுசெய்யப்பட்டவர் கைப்பற்றப்பட்ட பொருட்களுடன் மேலதிக சட்ட நடவடிக்கைகளுக்காக மருதங்கேணி பொலிஸாரிடம் ஒப்படைக்கப்பட்டுள்ளனர்.
