இலங்கை மக்கள் அபுதாபி செல்லும் வகையில் குறைந்த கட்டணத்தில் விமான சேவை ஆரம்பிக்கப்பட்டுள்ளது. இச் சேவையை எயார் அரேபியா விமான நிறுவனம் ஆரம்பித்துள்ளது.
இதன் முதலாவது விமானம் கட்டுநாயக்க விமான நிலையத்தில் தரையிறங்கியது. 158 பயணிகள் மற்றும் 8 விமான நிலைய ஊழியர்களுடன் குறித்த எயார் அரேபியா 3L-197 விமானம் தரையிறங்கியது.
இவ் விமானசேவை வாரத்தின் ஒவ்வொரு புதன், வெள்ளி மற்றும் ஞாயிற்றுக்கிழமைகளில் இரவு 8 மணிக்கு இலங்கை வந்தடையும் எனவும் அதே விமானங்கள் கட்டுநாயக்க விமான நிலையத்திலிருந்து இரவு 8.30 மணிக்கு அபுதாபிக்கு புறப்படும் எனவும் அறிவிக்கப்பட்டுள்ளது.
